قصائد الشاعر الامير (( محمد الاحمد السديري ))

السلام عليكم



هذه موجموعه من قصائد الشاعر الكبير

((( محمد الاحمد السديري )))


وهي عباره عن قطرات في بحر قصائده

اتمنى ان تحوز على رضاكم


(( معجزه شعريه ))



doPoem(0)



العين شفت الحيف والعدل مرفـوعوبدا يغيب النـور عقـب انبلاجـه


وابعد علينا العدل عن حبـة الكـوعوصار الخطر في راكبين الحداجـه


وعن الوطا غيث السما صار ممنوعالله يعـجـل لامـتـه بانفـراجـه


قولوا لابو فيصل ترى الشر مزروعويصعب عليه ليـا تعظـم علاجـه


لا يترك الدنيا بلا شبـوح وطلـوعنخاف مـن سيـل يزيـد ارتهاجـه


لازم يحط الحبل مثنـي ومربـوعوايخط دربٍ ما يجي بـه عواجـه


والقصر لو انه من الصلب مصنوعان عاب ساسه ما تفيـدك ابراجـه


والراس ما يفزع ليا صار مقطـوعوللحي ما قالوا شف الميـت ناجـه


والبيض ما لبسن من الطاس ودروعوالصبح بيـن ينعـرف بانفجاجـه


ولا حي الا يعرف الشبع والجـوعونفسه لها في كـل الايـام حاجـه


اشوف ناس زادوا الخبـت بطبـوعوالكل منهـم قـام يرفـع حجاجـه


ما جربوا غارات طامع ومطمـوعولا دوجوا بالحرب يـوم المواجـه


في ساعتن فيها الصعب يهتدي طوعان صار لافـواه المدافـع لجاجـه


كم واحدٍ في ماقف الطيب مشلـوعينقص مقامه عقب فعـل السماجـه


وكم واحدٍ يصعد للافـلاك بطلـوعبعز من حديد الصلب ذابه وعاجـه


لقيت ناس مـا لقـي لهلهـا قـوعوشفنا الفهد والذيـب يتلـى نعاجـه


عزاه يـا قلـب معـذب وملقـوعخيل عليه وضيقـت بـه افجاجـه


ناس على نوع وقلبي علـى نـوعوبيني وبين الناس مثـل الزراجـه


قلبي صعب حرف الوفا فيه مطبوعلا شك في ربعه يشوف الحراجـه


فيما نشوف بناظر العيـن مفجـوعوللطيـب والله فزتـه وابتهـاجـه